martes, 26 de xuño de 2018

E4G2018 Encontro con Egresados e entrega de Diplomas e premios OPEN MATEMÁTICO 2018


PROGRAMA:

21 de Xullo ás 9.45 h. Benvida e plans da xornada

1º Grupo:  O alumnado inscrito quedará na Facultade de Matemáticas.
. Cómpre que vos inscribades o antes posible no seguinte formulario:
https://docs.google.com/forms/d/e/1FAIpQLSfCaS-AZrDzRoYSDoH5UbXPus0L1wT-qa_bjFfD_Tdvme1bNw/viewform

• Para xestionar de xeito óptimo as actividades e a comida, por favor anotádevos o máis rápido posible, antes do venres 13 de xullo. Se vos xurde despois algún imprevisto, ou queredes cambiar algo, volvede entrar no enlace. Se facedes algunha modificación despois da data indicada, enviade un correo a: estalmatgalicia@gmail.com
E4G2018 Encontro con EGRESADOS e entrega de diploma e premios OPEN 2018


2º Grupo: NAIS E PAIS E ACHEGADOS
10,15 h. Saída e visita guiada por Compostela. Principais marcas de propiedade das vivendas do casco histórico compostelán (marcas de Fonseca, de San Martiño  Pinario, da catedral, do concello, etc). Estas marcas de propiedade esténdense por toda a cidade e as compostelás son as únicas que se conservan dos burgos medievais
15,00h. Xantar (as familias interesadas en participar nun xantar conxunto, deberán confirmar no correo amigosdoestalmat.galicia@gmail.com)
19:30 h. Acto de clausura. Entrega de diplomas das batallas e de premios do Open Matemático. 

Colabora







xoves, 21 de xuño de 2018

luns, 4 de xuño de 2018

Obradoiro de aventura e fotografía na serra do Courel

Froito da colaboración entre ASAC-Galicia e AGAES, propoñemos este obradoiro de aventura e fotografía dirixido e impartido por Fuco Reyes, licenciado en Psicoloxía e Comunicación pola Universidade de Santiago de Compostela. Como profesional da fotografía, vén sendo un dos referentes actuais máis salientables.
Para máis información e data límite de inscrición: 12 de xuño no seguinte enderezo:

362 aspirantes para conformar a 12ª promoción do proxecto ESTALMAT-Galicia 2018

Un total de 362 estudantes de toda Galicia nacidos en 2005 e 2006 participaron este sábado 2 de xuño na USC nas probas de selección dos 25 estudantes que formarán parte da 12ª promoción do Proxecto ESTALMAT-Galicia para a detección e estímulo do talento en matemáticas. 

Os participantes foron 148 rapazas e 214 rapaces, o que supón un incremento da participación das mozas dun 6,8% respecto do pasado curso. Proceden de 72 localidades galegas diferentes, na súa maioría das provincias da Coruña (220) e Pontevedra (119), seguidas das de Lugo (9) e Ourense (14), tanto do ensino público (256) como do privado (106). Con este número de inscritos ESTALMAT-Galicia consolida a súa andaina dende 2007 e sobrepasa a media dos cinco últimos anos. Son así xa máis de 3.500 as e os estudantes que con 12 ou 13 anos teñen pasado pola Facultade nos últimos doce anos para facer a proba de selección. Con esta promoción sumarán un total de 300 mozas e mozos seleccionados para participar no programa de talentos matemáticos. 

xoves, 10 de maio de 2018

A Facultade e o Instituto de Matemáticas da USC presentaron o estudo sobre o grao de satisfacción e inserción laboral do alumnado graduado do centro

No acto interviñeron a decana da Facultade, M. Elena Vázquez Cendón, quen afirmou que “os resultados son moi positivos tanto en grao como en mestrado e doutoramento”, e Alberto Díez de Castro, secretario xeral de Universidades da Xunta de Galicia, para quen “a calidade mídese na satisfacción dos egresados, nos contidos que aprenden nas clases, na ilusión e na capacidade de acceder ao mercado laboral ben preparados”.

Pola súa banda, Alberto Cabada Fernández, director do Instituto de Matemáticas da USC, destacou durante a presentación “a capacidade dos nosos estudantes de crear unha linguaxe común  entre diferentes disciplinas, o que permite conseguir unha alta inserción laboral”.
http://xornal.usc.es/xornal/acontece/2018_05/noticia_0045.html
https://www.lavozdegalicia.es/noticia/santiago/santiago/2018/05/10/mitad-graduados-matematicas-trabajan-resto-estudian-preparan-oposiciones/0003_201805S10C6993.htm

sábado, 5 de maio de 2018

venres, 4 de maio de 2018

Entrega de diplomas á décima promoción de ESTALMAT-Galicia

O acto terá lugar este sábado 5 na Facultade de Matemáticas.

A décima promoción do Proxecto ESTALMAT-Galicia para ESTímulo do TALento MATemático celebra este sábado 5 de maio o seu acto de despedida nunha sesión que terá lugar na Aula Magna da da Facultade de Matemáticas a partir das 12:30 horas presidida polo reitor da USC e presidente de ESTALMAT-Galicia,Juan M. Viaño Rey.

http://xornal.usc.es/xornal/acontece/2018_05/noticia_0013.html  

 http://www.estalmatgalicia.com/images/cursos/curso1718/Guion_clausura_ESTALMAT__2018.pdf

venres, 20 de abril de 2018

Sei ata a táboa do 6!



A MANDALA

CHEGOU a primaveira ás Matemáticas, temos unha boa Sementeira! Onde están os novos brotes? Na implicación de docentes como Elena Vázquez Abal, que convida á Facultade de Matemáticas a estudantes de Ensino Medio ou que se despraza a Lugo enchendo o Vello Cárcere, falando das Matemáticas como o sexto sentido.
Chegou a primaveira ao libro de honra da Facultade de Matemáticas que contén unha nova achega. É a primeira dun exalumno, que veu de visita grazas ao convite do Seminario de Análise Matemática, o ourensán Óscar Domínguez Bonilla, un dos xóvenes investigadores recoñecidos co Premio Vicent Caselles outorgado pola Real Sociedad Matemática Española (RSME) e a Fundación BBVA no ano 2017.
Chegou tamén a primaveira ao celebrarse a Feira Matemática brillantemente organizada pola Asociación Galega de Profesorado de Educación Matemática (Agapema) en colaboración co Concello da Coruña e da Universidade da Coruña. Si vostedes asistiron e viron a cantidade de nenas e nenos, coas súas familias, contando e compartindo Matemáticas, coincidirán que hai brotes novos nesta disciplina que nos conforma a moitas persoas. Participar nos retos e acadar as solucións recoñecíase en "agapemos", o billete da asociación Agapema, que está revalorizado coa imaxen do benquerido Coque, sempre presente.
http://www.elcorreogallego.es/opinion/firmas/ecg/elena-vazquez-cendon-sei-ata-taboa-do-6/idEdicion-2018-04-20/idNoticia-1111088/

Nace Sementeira, o Club Olímpico de Mates da USC


A Facultade compostelá de Matemáticas e mais a Asociación Eduardo García-Rodeja acordaron poñer en marcha o Club Olímpico de Mates – USC, que nace co nome de Sementeira como expresión da súa vontade de propagar o gusto pola resolución de problemas.

https://xornal.usc.es/xornal/acontece/2018_04/noticia_0100.html

luns, 2 de abril de 2018

SER CIENTÍFICO


CIENCIA y yo quiero ser científico!!!
Un libro de divulgación que te animará e axudará a decidir que caste de científico queres ser.
Ademais de científicos doutras materias, nesta publicación colabora profesorado da Faculdade de Matemáticas da USC, como  Elena Vázquez Cendón, Fernando Alcalde Cuesta o Enrique Macías Virgós entre outros...

http://cienciayyoquierosercientifico.blogspot.com.es/

luns, 26 de marzo de 2018

Grupo de formación Specialisterne en Galicia

Specialisterne ofrece a posibilidade de facer un grupo en Galicia, haberá que  contar con un mínimo de 10 alumnos.


domingo, 18 de marzo de 2018

VI Campus de Verán XuvenCiencia 2018

Volve o Campus XuvenCiencia, o campamento científico da USC no Campus Terra de Lugo!

Cando e onde ten lugar? Do 1 ao 7 de xullo no Campus Terra de Lugo.

Quen pode participar? O alumnado de 4º ESO e 1º BAC (ata 2º BAC para os veteranos).

Temos un programa especial para o alumnado que quere repetir (veteranos).

Preinscrición: O formulario de preinscrición ábrese desde o venres 27 de abril ás 15:30h.

http://www.usc.es/xuvenciencia/campus/gl 

xoves, 15 de marzo de 2018

Explícoche matemáticas 2.0


 Explícoche matemáticas 2.0 é un concurso que convoca a Comisión de Normalización Lingüística da Facultade de Matemáticas, que xa vai pola súa sétima edición, cuxo obxectivo é promover a utilización do galego como medio de transmisión das matemáticas e estimular a creatividade do alumnado cos medios audiovisuais.
Pode participar o alumnado das universidades públicas de todo o Estado español de todas as titulacións de grao, mestrado e doutoramento, así como alumnado de 3º e 4º da ESO e de bacharelato dos centros de educación secundaria de Galicia e comunidades limítrofes en grupos cun máximo de tres estudantes dirixidos por un profesor ou profesora.

luns, 12 de marzo de 2018

"Encontro con ASAC: non son raro, 23 anos de talento en Galicia".


 







O día 10 de marzo celebramos o primeiro encontro coa Asociación de Altas Capacidades de Galicia (ASAC) na Facultade de Matemáticas de Santiago de Compostela, que respondía a unha crecente demanda por parte de socios e socias da Asociación Galega de Amigos de ESTALMAT-Galicia (AGAES), co título: "Encontro con ASAC: non son raro, 23 anos de talento en Galicia".

A presidenta e a vicepresidenta de ASAC proxectáronnos un interesante e reivindicativo video da súa asociación, dando lugar de inmediato a algunhas intervencións por parte dos asistentes ao acto, nais e pais do alumnado de ESTALMAT-Galicia e socios/as de AGAES, así como da decana da Facultade e da coordinadora coas Familias de ESTALMAT-Galicia presentes no acto.

As distintas intervencións puxeron de manifesto as diferenzas entre os dous proxectos: por unha banda a Unidade de Estudo e Investigación en Superdotación da USC e por outra ESTALMAT-Galicia (estímulo do talento matemático).

A Unidade de Estudo e Investigación en Superdotación da USC colabora coa Asociación de Altas Capacidades, cuxo obxectivo é fornecer un lugar de encontro das familias de nenos con alta capacidade intelectual, mentres ESTALMAT-Galicia colabora con AGAES cos obxectivos de detectar e tratar o talento matemático precoz.

Conscientes destas diferenzas, deixamos a porta aberta a futuras colaboracións entre as distintas asociacións para chegarmos a unha formación complementaria para familias e alumnado.

Agradecementos:

Á decana da Facultade de Matemáticas pola súa presenza e disponibilidade do Centro.
Ás nosas convidadas: presidenta e vicepresidenta de ASAC.
Á Coordinadora coas familias de ESTALMAT-Galicia.


Saúdos
A directiva de AGAES

xoves, 8 de marzo de 2018

International camp FdI-2018




International camp FdI-2018


14–18 years old students from all over the world are invited to take part in the 7th international session of the Multi-disciplinary summer camp «Formula of Unity».
Dates: July 16–30, 2018.
Place: recreation site «Manor of the lake Sirkojarvi» in 40 km to the north of St. Petersburg (near Garbolovo).
Transfer: traditionally, we meet each team at the airport and accompany the participants to the camp. It is important that you arrive to St. Petersburg on July 16 not later than at 16:00 and leave the camp on July 30 (not earlier).
Living conditions: lodging in rooms for 2 persons each, facilities on the floors, 6 meals per day, individual food requirements can be met.
Infrastructure: green territory, forest, sport facilities, meeting hall, own beach at the lake.

http://thales.cica.es/estalmat/?q=node/196 

martes, 6 de marzo de 2018

Día Internacional das Mulleres e as Nenas na Ciencia

A USC, a través da Oficina de Igualdade de Xénero, súmase á conmemoración desta data con dúas actividades para visibilizar o traballo das científicas e rescatar do esquecemento ás pioneiras que pasaron pola nosa universidade.

http://www.usc.es/gl/servizos/oix/modules/news/news_0071.html 

domingo, 4 de marzo de 2018

"Encontro con ASAC: non son raro, 23 anos de talento en Galicia"


Atendendo á petición  de AGAES, dentro da programación ESTALMAT-Galicia, o sábado 10 de marzo ás 11h.  celebrarase a segunda sesión coas familias do curso 2017-18, baixo o título "Encontro con ASAC: non son raro, 23 anos de talento en Galicia".
Contaremos neste acto coa presenza da presidenta e secretaria de ASAC, Mar Uzal e Katia Sánchez, respectivamente.

martes, 27 de febreiro de 2018

DESPDIDA DA PROMOCIÓN 2015

A promoción de 2015 de Estalmat Pi celebrou este sábado 24 o seu acto de despedida na Facultade de Matemáticas. Estalmat Pi é un programa anual que se lle ofrece ao alumnado que remata os dous primeiros cursos de ESTALMAT-Galicia (Programa para o ESTímulo do TALento MATemático) para que non perda o contacto e a afección polas matemáticas.

http://xornal.usc.es/xornal/acontece/2018_02/noticia_0099.html

luns, 26 de febreiro de 2018

Lucía Ferrer Porto de Estalmat-Galicia campioa de Galicia



A alumna Lucía Ferrer Porto de Estalmat-Galicia, medalla de ouro e campioa de Galicia en 60 m. lisos e prata en 60 m. valados nas probas que se celebraron este sábado 24 de febreiro.
https://youtu.be/9MY01CfqtLw

Noraboa para Lucía pola adicación e traballo.

sábado, 24 de febreiro de 2018

XXX Open Matemático

O xoves 22 de febreiro celebrouse a última e presencial xornada do XXX Open Matemático que, en Galicia, tivo lugar na Facultade de Matemáticas de Santiago.

Parabén a todo os participantes de AGAES-ESTALMAT-Galicia que, como edicións pasadas, están obtendo moi bos resultados.

martes, 6 de febreiro de 2018

Ramón Verea, o galego que inventou a máquina multiplicadora

Tal día como hoxe, o 6 de febreiro de 1899, morría pobre en Bos Aires o gran inventor galego Ramón Verea, creador da primeira máquina multiplicadora, que hoxe se conserva na sede da IBM en Nova York e no Instituto Smithsonian de Washington. A súa xenial historia está na nosa nova reportaxe da sección.
GCiencia?
http://www.gciencia.com/historias-gc/ramon-verea-galego-calculadora-multiplicadora/

AS MATEMÁTICAS TEÑEN UNHA LINGUAXE PROPIA...

As matemáticas contan coa súa propia linguaxe, a linguaxe matemática. Comprendela e saber utilizala é unha das competencias que debedes adquirir nos estudos do grao en Matemáticas. Xunta esta habedes conseguir outra: comunicar, tanto por escrito como de forma oral, coñecementos, procedementos, resultados e ideas en matemáticas tanto a un público especializado como non especializado.
Daquela, non só comprenderedes o que é senón que seredes quen de comunicárllelo a outras persoas. E para iso utilizaredes linguas naturais; calquera delas, a que mellor se adapte ao voso interlocutor; e que vós coñezades, naturalmente.
Moitos de vós -probablemente, a maioría- atoparedes en Galicia a vosa saída profesional. Outros sairedes ao exterior. Debedes contar coa mellor preparación posible. Aprendede linguas. Mais seguide aprendendo e cultivando tamén a lingua deste país, o galego, para poderdes trasladarlles a beleza das matemáticas aos galegos e galegas.

martes, 23 de xaneiro de 2018

XXX Open Matemático — seguimento



Nesta entrada do blog poderedes consulta-los enunciados dos problemas, as solucións e as clasificacións tras cada unha das seis xornadas de que consta o Open Matemático.







Xornada Data Límite Problemas Clasificación
22 de xaneiro enunciados  solucións
xeral  beleza  
29 de xaneiro enunciados  soluciónsxornada  xeral  beleza 
5 de febreiro enunciados  soluciónsxornada  xeral  beleza
12 de febreiro enunciados  soluciónsxornada  xeral  beleza
19 de febreiro enunciados  soluciónsxornada  xeral  beleza
22 de febreiro enunciados  soluciónsxornada  xeral prov.v2  beleza


Notas:
  • A hora límite para a finalización de cada unha das xornadas son as 14:30 horas da data límite indicada na táboa.

luns, 22 de xaneiro de 2018

Visitas guiadas ao Patrimonio Histórico da USC

AGAES convida ás familias socias a realizar unha visita guiada ao Patrimonio da USC o vindeiro sábado 3 de febreiro, de 12 á 13.30 h. Quen  confirme a asistencia, debe indicar un nome e cántos son por familia (amigosdoestalmat.galicia@gmail.com).

Saíremos do Colexio Fonseca, na rúa do Franco. Rogamos puntualidade.
O foro está limitado a 25 persoas.

sábado, 20 de xaneiro de 2018

OMG 2018

Santiago Vázquez Sáez e Juan Carlos Rocamonde Quintela de Estalmat-Galicia, que acadaron  o 1º e o 2º posto respectivamente da Olimpíada Matemática Galega, representarán, xunto con Alexander Vidal Zhukova, a Galicia na LIV OME que se celebrará en Jaén, do 15 ao 18 de marzo de 2018.
Cabe destacar tamén outros alumnos de Estalmat-Galicia, Antón Figueroa Martínez de 3º de ESO, Júlia Misaki Anguera Zemba e María Rodríguez Dominguez, ambas dúas de 4º ESO que obtiveron unha mención de honra, así como a alta participación nas probas. Noraboa a todos os premiados e participantes.

NOTA DE PRENSA
http://www.usc.es/olympia/news.htm

xoves, 18 de xaneiro de 2018

A fase galega da Olimpíada Matemática celébrase este venres na USC

A Facultade de Matemáticas acolle este venres 19 a fase autonómica da LIV Olimpíada Matemática Española, na que se seleccionarán os tres estudantes de bacharelato que formarán o equipo olímpico que represente a Galicia na fase nacional, a celebrar do 15 ao 18 de marzo en Jaén.

A competición dará comezo ás 10.00 horas cun acto de recepción para continuar co desenvolvemento da primeira sesión de probas: tres horas e media para resolveren tres problemas. A segunda sesión será ás 16.00 horas, cun programa semellante.

A entrega de premios terá lugar ás 20:30 horas na Aula Magna da facultade, nun acto presidido polo reitor Juan Manuel Viaño Rey e que contará coa presencia da decana do centro, Elena Vázquez Cendón, da subdirectora xeral de Promoción da Igualdade, Pilar García-Rodeja Gayoso, e do director do Instituto de Matemáticas, Alberto Cabada Fernández.

martes, 9 de xaneiro de 2018



Xa deu comezo a XXX edición do Open Matemático, coa primeira tandada de problemas. Póñovos de seguido a mensaxe de Covadonga:

Este ano o concurso,  xa na  XXX edición,  ten como lema  GASTRONOMÍA  E MATEMÁTICAS, e está  organizado polo Colectivo Frontera de Profesores de Matemáticas.

As instruccións para participar baixo as siglas de AGAES-ESTALMAT-Galicia son:
  1. Escanear os problemas que resolvades, cada un nunha páxina. Mellor en formato PDF. Tamén sirven fotografías pero deben ter a resolución adecuada para que podan lerse sen dificultade.
  2. Envialos por correo electrónico no  prazo previsto, que na primeira xornada remata ás 14:30 horas do 22 de xaneiro, ás direccións das profesoras encargadas, Cristina e Covadonga 
  3. Cando recibamos as respostas daremoslle a reenviar ao correo entrante, esa será a sinal de que chegou correctamente.
  4. No asunto do correo poñede:   Nome, apelido, curso que estades estudando  e  a xornada Open 2018, por exemplo:
    Isabel Martínez- 3º ESO- 1ª Xornada Open 
  5. Cada xornada enviaremos ao correo dende o que nos cheguen os problemas,  as solucións e os problemas da sesión seguinte. O blog de AGAES   http://sociosagaes.blogspot.com.es/  fará o seguemento deste concurso e poderán consultarse alí as clasificacións.
  6. NON É UNHA ACTIVIDADE OBRIGATORIA. Tampouco é necesario resolver todos os problemas de cada xornada nin participar en todas as xornadas.
É importante ler detidamente as bases e as instruccións.

As solucións dos problemas deben aparecer moi xustificadas. Non serve poñer únicamente como solución un valor ou unha frase (Por exemplo: "non é posible").  

A puntuación dun problema ou  son 2 puntos ou 0 puntos.

martes, 2 de xaneiro de 2018

José Rodríguez: o matemático galego que definiu o metro

Un dos pais do Sistema Métrico Decimal é un galego de Lalín. O matemático Rodríguez afinou as medicións dos meridianos de París e de Greenwich. E tivo en Europa un gran prestixio, do que non gozou no seu país.

O metro, como unidade de medida, debe moito a un home nado nunha aldea de Lalín. Tiña un nome do máis común: José Rodríguez González. E, como acontece en tantas ocasións, foi máis apreciado fóra que dentro do seu propio país. Porque o ‘Matemático Rodríguez’ foi unha autoridade científica dacabalo entre os séculos XVIII e XIX, impulsor da cristalografía, protagonista de achados astronómicos e, sobre todo,  un dos pais do Sistema Métrico Decimal. Este galego xenial foi tamén mestre doutro personaxe capital na historia de Galicia, o seu primeiro cartógrafo científico: Domingo Fontán.
http://www.gciencia.com/historias-gc/jose-rodriguez-matematico-galego-metro/